(ندائے خلافت - 2025 | شمارہ نمبر 28)۔
اقامت دین کا کام در حقیقت ایک انقلابی جدوجہد (Revolutionary Struggle) کا متقاضی ہے۔ ایک قائم شدہ نظام کو بیخ و بُن سے اکھاڑ کر اُس کی جگہ ایک صالح نظام کو قائم کرنے کے تقاضے بالکل مختلف ہوتے ہیں۔ یہ انقلاب صرف دعوت و تبلیغ اور وعظ و نصیحت سے نہیں آتا۔ اگرچہ اس میں بھی آغاز دعوت و تبلیغ اور وعظ و نصیحت ہی سے ہوگا اور اس میں تذکیر بھی ہو گی، تبشیر بھی اور انذار بھی ہو گا، لیکن اس کا ہدف یہ ہوگا کہ ان تمام کاموں کے نتیجہ میں ایک انقلابی جمعیت فراہم کی جائے ، اُسے منظم کیا جائے ، اُس کی تربیت کی جائے اور اُس میں وہ تمام ضروری اوصاف پیدا کئے جائیں جو کسی انقلابی جماعت کے لیے لازم اور ناگزیر ہیں ۔۔۔۔ اور جب اس جمعیت میں مطلوبہ نظم اور ڈسپلن پیدا ہو جائے تو پھر اُسے نظامِ باطل سے ٹکرا دیا جائے۔
بقول علامہ اقبال ؎
بانشۂ درویشی در سازودمادم زن!
چون پختہ شوی خود رابر سلطنت جم زن!
منہج انقلاب نبویؐ (ڈاکٹر اسرار احمدؒ)
|