176-B، بلاک C، نزد کارڈیو ہسپتال، یونٹ نمبر 2، لطیف آباد، حیدرآباد، پاکستان۔
Email: qil@quranacademy.com, Ph: +92 22 3407694
الحمدُ للہ!انجمن خدام القرآن سندھ کے توسیعی منصوبہ جات برائے بیرون کراچی کے سلسلے میں قرآن انسٹیٹیوٹ لطیف آباد پہلا قدم ہے، جس کا قیام رمضان المبارک 2017میں عمل میں آیا۔ ادارہِ ہٰذا کا مقصد ایک جانب شہر حیدر آبادمیں تعلم و تعلیم ِدین کے فریضے کی ادائیگی ہے تو دوسری جانب اندرون سندھ میں دیگر مراکز کے لئے رجال کارکی تیاری اور حالات کی سازگاری ہے۔
ادارہِ ہٰذا کے تحت معاشرے کےجدید تعلیم یافتہ حضرات و خواتین کو بنیادی علوم دینیہ سے آراستہ کرنے کے لئے ادارہِ ہٰذا میں ایک سالہ رجوع الی القرآن کورس جاری ہے، جس کا مقصد معاشرے میں فہم قرآن کو عام کرنا اور اُمت مسلمہ کے فہیم عناصر کو تجدیدِ ایمان کی تحریک میں فعال کردار ادا کرنے پر ابھارنا ہے، تاکہ "اسلام کی نشاۃ ثانیہ" کی راہ ہموار ہوسکے۔
دیگر سرگرمیوں میں شام میں شارٹ کورسز، بالغان کے لیے ناظرہ قرآن، ہفتہ اور اتوار کے دن شارٹ کورسز اور ترجمہ و تفسیرِ قرآن کی کلاسز، دوپہر میں نوجوانوں کے لیے دینی و دنیوی مضامین پر مشتمل شارٹ کورسز کا انعقاد کیا جاتا ہے۔ مزید براں آن لائن شارٹ کورسز بذریعہ LMS اور WhatsApp کا بھی انعقاد کیا جاتا ہے۔
بچوں کے لیے ناظرہ قرآن کا سلسلہ قائم ہے جس میں مسنون دعاؤں کے ساتھ آدابِ زندگی اور ہفتہ وار سیرت النبیﷺ اور سیرتِ صحابہ کی تعلیم بھی دی جاتی ہے، بروز اتوار مطالعہ قرآنِ حکیم کی کلاس، سردیوں اور گرمیوں کی تعطیلات میں سمر اور ونٹر کورس کا بھی انعقاد کیا جاتا ہے۔
ادارہِ ہٰذا میں ضروری کتب پر مشتمل کتب خانہ بھی موجود ہے۔ جس میں مختلف تفاسیر ، مجموعہ احادیث ،فتاوٰی ، سیرت النبی ؐ،، تاریخ، عربی ادب وغیرہ، اسلافِ ُامت کی روایتی کُتب، جدید مصنفین کی مختلف دینی و جدید موضوعات پر معروف تصانیف کے ساتھ ساتھ بانی محترم ڈاکٹر اسرار احمدؒ کی تصانیف و تالیفات بھی موجود ہیں۔
ادارہِ ہٰذا میں مختلف دعوتی و تربیتی اجتماعات بھی ہفتہ وار اور ماہانہ بنیادوں پر منعقد کیے جاتے ہیں۔