اس آیت میں یہود کی طرف اشارہ کرتے ہوئے فرمایا ہے کہ وہ اپنے منہ کی پھونکوں سے اللہ کے نور کو بجھانا چاہتے ہیں۔سوال یہ ہے کہ یہودی کے بارے میں یہ بات کیوں کہی گئی کہ وہ اللہ کے نور کو گل کرنا چاہتے ہیں؟اس سوال کا جواب معلوم کرنے کے لیے جزیرہ نمائے عرب میں اس وقت مسلمانوں کے جو دشمن موجود تھے،ان پر ایک نگاہ ڈالنی ہوگی۔ان میں سے ایک تو مشرکین تھے جن کے سرخیل قریش مکہ تھے مگر یہ بہت بہادر اور جری لوگ تھے ،سامنے سے حملہ کرتے تھے، جبکہ دوسرے دشمن یہود تھے۔یہ انتہائی بزدل تھے۔ان کے بارے میں سورۂ حشر میں آیا ہے کہ یہ کبھی کھلے میدان میں مقابلہ نہیں کریں گے،ہاں چھپ کر قلعوں کے اندر سے پتھراؤ کریں گے۔ابو جہل نے تو اپنے باطل ’’دین‘‘ کے لیے بھی بہر حال گردن کٹوائی مگر ان میں اس کی ہمت نہیں۔یہ تو صرف پھونکوں سے کام چلانا چاہتے ہیں کیونکہ پروپیگنڈے اور سازشوں کے سوا ان کے پاس کچھ نہیں۔مگر ان کی سازشوں اور پروپیگنڈےکے جواب میں اللہ تعالیٰ کا ارشاد ہے:’’اللہ تعالیٰ اپنے نور کا اتمام کرکے رہے گا چاہے یہ کافروں کو کتنا ہی ناگوار کیوں نہ ہو‘‘۔

آگ ہے،اولادِ ابراہیم ہے،نمرود ہے